Benzo.is » - Stafrænt heimili

Ég tók þessa mynd af fólki mjög nálægt 2. gígnum í eldgosinu á Fimmvörðuhálsi. Fólkið er c.a. 500-800m frá gígnum og stendur upp á nýju heitu hrauni. Það má ekki mikið út af bregða til að allt færi á versta veg og í raun mikið mildi að ekki hafa orðið stórslys á fólki við þessar aðstæður.

Allt fyrir myndina…
Þegar þarna var komið var mjög erfitt að standast freistinguna og fara ekki upp á hraunið til að ná betri myndum af gígnum. Ég stóðst ekki mátið og fór upp eins og hinir „vitleysingarnir“. Ég fór til hliðar við þá, því þar var lítið um fólk og auðvelt að koma þrífætinum fyrir og skorða hann vel ofan á hrauninu. Það var mjög kalt uppi á jökli en þarna fann ég fyrir fínum hita og tók af mér vettlingana og var að munda myndavélina þegar mér verður litið ca 1,5-2metra frá mér, þá sé ég bara inn í glóandi hraunið! Ég var ekki lengi að pakka saman og koma mér niður af nýja hrauninu… Ég tók ekki eftir því fyrr en daginn eftir að endarnir á þrífætinum mínum höfðu bráðnað við að skorða hann þarna upp á hrauninu! Ekki er öll vitleysan eins…